Младинскиот репрезентативец Петар Петковски беше стрелец на вториот погодок за Вардар на денешниот меч против Брегалница, откако доби шанса да ги одигра финалните десет минути. Токму тогаш и се решаваше овој дуел, со оглед дека „црвено-црните“ долго се мачеа за да го отворат резултатот. За Петковски ова е прв гол во оваа сезона, а се надева дека нема да застане на само еден погодок.
„Мило ми е што добив шанса и постигнав гол на ваков значаен натпревар, тоа позитивно ќе влијае на мојата самодоверва, а и кај довербата на тренерот. По двата негативни резултати во последните два меча, им се враќаме на победите и најважно е да продолжиме со тој ритам и против Македонија Ѓорче Петров. Во наредните натпревари се надевам на поголема минутажа, иако се трудам максимално да ја користам секоја шанса која ќе ми ја овозможи тренерот“ – изјави Петковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
