Новината која е промовирана на актуелното Светско првенство во Франција, напад со седум ракометари и празен гол, остава далеку поголем простор и голманите се повеќе да се запишуваат во листата на стрелци.
А, на таа листа на стрелци, на чуварите на мрежата, на врвот е македонскиот голман Благојче Трајковски со три погодоци од исто толку обиди досега на Мундијалот. Со 100% ефект од три обиди, дефинитивно не може да се пофалат и поголемиот број ракометари кои се обидуваат од девет метри да стигнат до мрежата на противникот.
Трајковски два гола постигна на дуелот против Ангола…
А, еден запиша и синоќа во пресметката со Шпанија…
Од останатите голмани кои досега постигнале гол се и Данецот Ландин, Французинот Жерард, Египќанецот Хендави, Исланѓанецот Густавсон и Полјакот Моравски кои постигнаа по еден гол, од исто толку обиди. Словенецот Скок има еден гол од три обиди, како и Муачисенге од Ангола.
Интересно, два обиди за погодок од гол на гол има и најдобриот светски голман, Французинот Омејер но досега неуспешно. Се уште без гол!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
