Манчестер сити им се врати на победите, откако во претходното коло го доживеа првиот пораз оваа сезона, на гостувањето против Ливерпул. „Граѓаните“ со 3-1 го совладаа Њукасл на домашен терен, во меч на кој блескаше Лирој Сане, а хет – трик постигна Серхио Агуеро. Манчестер сити сега повторно има 12 бода предност на врвот на табелата во Премиер – лигата во однос на Манчестер јунајтед.
Аргентинецот Агуеро во 34.минута донесе водство за Сити, а во 63.минута реализираше пенал кој го изнуди Рахим Стерлинг. Џејкоб Марфи четири минути подоцна намали на 2-1, но Лирој Сане одновно ја излуде противничката одбрана во 83.минута, и му подготви гол – шанса на Агуеро, која тој не ја пропушти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
