Македонскиот интернационалец Даниел Аврамовски заработи сериозна повреда, според пишувањата на српските медиуми, на тест дуелот на Војводина против Слован Братислава.
На мечот игран во турски Белек, Слован победил со 0-2, но за стратегот на Војводина, Илија Столица сепак најтажен момент од мечот е повредата на Аврамовски која ја добил уште во првото полувреме.
„За мена најтежок впечаток од мечот е повредата на Аврамовски која веројатно ја доби поради лошиот терен за игра и несоодветното судење. Не се работи за наивна повреда според првите впечатоци, но се надевам дека неговото опоравување нема да трае долго“ – истакна по мечот Столица.
Аврамовски во Војводина дојде на почетокот од сезоната од редовите на словенечка Олимпија Љубљана. Претходно, во српскиот шампионат беше дел и од белградска Црвена Звезда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
