Легендарниот швајцарски тенисер Роџер Федерер ја одбрани титулата на Австралија Опен и во својата колекција го вброи 20. гранслем трофеј. На 36-годишна возраст, тој и понатаму игра врвен тенис и ги победува своите ривали. Секоја наредна година, се чини дека е се подобар и подобар. Дефинитивно, се уште не е за пензија, иако вели дека веднаш ќе се ’пензионира’, доколку тоа од него го побара сопругата Мирка, која му е и најголемата поддршка.
„Ако мојата сопруга ми рече да сопрам со тенисот, веднаш ќе го сторам тоа. Затоа што таа е мојата најголема поддршка и токму поради неа не престанав уште пред неколку години. Мирка е многу повеќе со нашите четири деца и од неа имам неверојатна поддршка. Без неа животот ќе ми беше многу поинаков“, изјави Роџер Федерер по освојувањето на трофејот во Мелбурн.
Роџер и Мирка се венчаа во 2009 и набрзо потоа станаа родители на близначките Мила и Шарлен. Во 2014 година ги добија и близнаците Лео и Лени.
Швајцарскиот ас откри и дел ос своите тајни за големите успеси.
„За мене тенисот е забава, а не работа. Јас и на тренинзите се забавувам, и сега во овие мои години, ги селектирам турнирите на кои ќе учествувам. И најважно ми е што и моето семејство секаде патува со мене. Мислам дека без нив, не би можел доволно добро да се фокусирам на тенисот“, истакна Федерер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
