Монако успеа да слави важен триумф (3-2) против Лион во дерби – натпреварот од францускиот шампионат, и тоа остварен со играч помалку на теренот. Со супер-пресврт, откако Лион поведе со 0-2, „кнезовите“ стигнаа до победа која ги искачи на третата позиција на табелата со 50 бода.
Лион со головите на Маријано Дијаз и на Траоре поведе со 0-2 по само 27 минути игра. Но, Кеита Балде и Фалкао возвратија со два погодоци уште во првото полувреме. На самиот истек на првиот дел, Кеита Балде заработи втор жолт картон и беше исклучен, но и тоа не ги поколеба „кнезовите“ да се обидат да стигнат до триумф.
Во 88.минута Рони Лопез постигна победнички погодок за Монако, за голема радост во Монте Карло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
