Гостивар експресно најде замена за Немања Мишковиќ кој вчера го напушти прволигашот, на негово место пристигна Таварион Никс. Американецот веднаш ќе биде достапен за тренерот Марјан Србиновски и се очекува да биде во комбинација за вечерашниот дуел со Куманово во рамките од четвртфиналето од Купот на Македонија.
Никс игра на позицијата крилен центар, но може да ги извршува задачите и како класично крило, што значи дека Гостивар добива на флексибилност во составот и пред се, цврстина под обрачите.
Никс кон почетокот на оваа сезона го носеше дресот на Лидс форс каде одигра 15 натпревари на кои остваруваше просек од 15.7 поени и 8.8 скока по натпревар, а кратко време се задржа и во кипарскиот тим на Ета каде одигра само три натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
