Хрватскиот тенисер Марин Чилиќ се пласираше во 3. коло на Индијан Велс по победата против Унгарецот Мартон Фуцович со 7-5,6-3.
Во третото коло Чилиќ ќе игра против Германецот Филип Колшрајбер.
Искусниот Аргентинец Хуан Мартин дел Потро беше подобар од Де Минауро со 6-2,6-1, а негов следен противник ќе биде Давид Ферер.
Милош Раониќ со 6-4,6-4 беше подобар од Канаѓанецот Аугер, додека неочекувано испадна талентираниот германски тенисер Александер Зверев кој во три сета беше победен од Португалецот Жоао Соуса. Португалскиот тенисер беше подобар со 7-5,5-7,6-4, па во третото коло ќе се соочи со Раониќ.
Како испадна Новак Ѓоковиќ, а сега и Зверев, Роџер Федерер и Марин Чилиќ дефинитивно се моментално најголемите фаворити за освојување на Индијан Велс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
