Фудбалската репрезентација на Македонија се наоѓа на 75.место на најновото издание на ранкинг – листата на ФИФА. Тоа е пад за една позиција во однос на минатиот месец.
Нашиот национален тим ќе има шанса да го подобри пласманот доколку забележи успеси на претстојните два пријателски натпревари против Финска и против Азербејџан кои се играат во Анталија, Турција, на 23. и на 27. март.
На врвот на ФИФА – листата нема промени. На првото место е Германија, пред Бразил, Португалија, Аргентина и Белгија, Полска успеа да се искачи на шестото место, а меѓу првите десет селекции се и Шпанија, Швајцарија, Франција и Чиле.
Од нашите следни ривали, Финска се наоѓа на 68.место, додека е Азербејџан е рангиран на 127.позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
