Јувентус добива можност за одмазда на Реал Мадрид за ланскиот пораз во финалето од ЛШ откако двата тима беа извлечени еден против друг во четвртфиналето од елитното европско натпреварување. Масимилијано Алегри очекува интересни дуели меѓу најтрофејните тимови во Италија и во Шпанија, кои ќе имаат што да понудат на најголемите фудбалски гурмани ширум Европа.
„Ние работиме напорно токму за вакви натпревари и верувам дека сме подготвени за предизвикот. Го добивме Реал Мадрид, тоа ќе бидат два натпревари за уживање. Ако играме добро и имаме малку среќа, ќе се пласираме во полуфиналето. Ако не… ќе си одиме дома, но во секој случај сме горди што сме дел од најдобрите осум во Европа. Не се откажуваме, кога можевме лани да ја елиминираме Барса, зошто да не годинава и Реал Мадрид. Пред неколку дена реков дека Реал Мадрид е фаворит за освојување на ЛШ, но тоа не значи дека ние ќе се предадеме. Мораме да се подготвиме уште подобро, но има време до тие натпревари“ – изјави тренерот на „старата дама“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
