УЕФА реши да ги награди сите свои членки формирајќи посебен „солидарен фонд“ со кој европската куќа на фудбалот ќе подели вкупно 76,25 милиони евра на 55-те земји кои ќе имаат свои репрезентации во новоформираното натпреварување.
Од ова ќе се офајди и Фудбалската Федерација на Македонија, која ќе заработи 500.000 евра за самото учество во Лигата на Нации. Оваа сума ќе им припадне на сите селекции кои се дел од групата Д од новото натпреварување, учесниците од елитната група ќе добијат по 1,5 милиони евра, оние од групата Б по еден милион евра, а оние од групите Ц по 750.000 евра за самото учество.
Згора на тоа, доколку Македонија го освои првото место во групата, тоа ќе значи и дополнителни 500.000 евра од УЕФА како награда за успешниот резултат.
Само за потсетување, Македонија е дел од групата Д4, каде за противници ќе ги има Ерменија, Лихтенштајн и Гибралтар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
