ЕКИПА во Белек,
Никола Ѓуровски
Фудбалската репрезентација на Македонија ремизираше без голови на првиот пријателски натпревар што се одигра на турнејата во Турција. На „Глорија Арена“ во Белек, „црвено-жолтите“ играа 0-0 против селекцијата на Финска, продолжувајќи ја низата од шест меча без пораз.
За дел од репрезентативците, може да се каже дека овој натпревар беше и „враќање во живот“ со оглед дека не се премногу стандардни во своите клубови. Стефан Ристовски, членот на Спортинг Лисабон, истакнува дека ова е специфичен момент за нашиот национален тим.
„Одигравме квалитетен натпревар против Финска, иако се виде дека во одредени моменти од дуелот заостанувавме физички зад противникот. Тоа е затоа што националниот тим се наоѓа во специфична фаза, дел од фудбалерите немаат голема минутажа во клубовите, иако има и такви кои се наоѓаат во одлична форма. Но, мислам дека целината делуваше комппактно, создадовме повеќе шанси од противникот, но не успеавме да постигнеме гол. Сепак, Финска е цврст ривал, квалитетна селекција. Сега се фокусираме на следниот пријателски натпревар против Азербејџан на 27.март и верувам дека ќе се прикажеме во уште подобро издание“, вели Стефан Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
