Хрватот Нико Ковач и официјално e нов тренер на германскиот гигант Баерн Минхен. Од баварскиот клуб денеска потврдија дека е потпиша договор со Ковач кој тимот треба да го преземе од 1. јули 2018 година.
„Нико Ковач е наш нов тренер! Ќе ја преземе клупата на Баерн од 1. јули 2018 година. Со Нико потпишавме договор на три години до 30. јуни 2021 година“ – се вели во официјалната објава на Баерн Минхен.
BREAKING: Niko Kovač will take over as #FCBayern head coach from 1st July 2018. "We agreed a 3-year contract yesterday," says sporting director @Brazzo. #MiaSanMia pic.twitter.com/lJKsCOgUiy
— FC Bayern English (@FCBayernEN) April 13, 2018
Нико во Баерн Минхен со себе го води и својот брат Роберт кој исто така играше во дресот на славниот баварски клуб.
„Среќни сме што можеме да го претставиме Нико како наш нов тренер“ – истакна спортскиот директор на Баерн, Хасан Салихамиџиќ и дополни:
„Нико беше фудбалер во Баерн и многу добро го познава нашиот карактер, структура и ДНК на клубот. Убедени сме дека е вистинскиот избор“.
Поранешниот хрватски селектор играше за Баерн од 2001 до 2003 година и во 34 натпревари во Бундеслигата постигна три гола. Хрватот во Баерн ќе го наследи Јуп Хејнкес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
