Баерн Минхен загуби од Реал Мадрид на домашен терен (1-2) во првиот полуфинален натпревар во Лигата на шампионите, а Јуп Хејнкес ќе има и дополнителни проблеми за реваншот во Мадрид на 1 мај. Тренерот на Баерн на синоќешниот меч до 33.минута мораше да ги замени и Ариен Робен и Жером Боатенг.
Робен одигра само пет минути од дуелот со Реал, а кога видоа дека сепак не може да продолжи, тој во 8.минута беше изваден од игра, а на негово место влезе Тиаго Алкантара. Според вестите од Германија, холандскиот фудбалер има повреда на задната ложа.
Истата повреда му се случи и на Жером Боатенг, кој го напушти теренот во 31.минута држејќи се за ногата.
Засега се уште нема официјални информации за серозноста на повредите, но многу се поизвесно е дека ни Робен, ни Боатенг не ќе може да настапат на реваншот за шест дена во Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
