Европската куќа на фудбалот (УЕФА) поведе постапка против голманот на Јувентус, Џанлуиџи Буфон, за неговото однесување на самиот крај од реванш мечот во четвртфиналето на Лигата на шампионите. 40-годишниот легендарен фудбалер доби црвен картон од судијата Мајкл Оливер поради неговата бурна и вулгарна реакција откако досуди пенал за Реал Мадрид во судиското продолжение од мечот.
Оливер покажа на белата точка по стартот на Мехди Бенатија над Лукас Васкез, при резултат 0-3 за Јувентус, кој ќе го однесеше натпреварот во продолженија. По дуелот, Буфон исто така имаше жестока изјава против судијата Мајкл Оливер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
