Реал Мадрид е новиот кошаркарски европски шампион стигнувајќи до својата десетта круна во историјата! „Кралевите“ го детронизираа Фенербахче победувајќи со 85-80 (21-17, 17-23, 25-15, 22-25) во финалето на Ф4 турнирот кој викендов се играше во Белград.
Сосема заслужено шпанскиот тим, по три години, повторно се враќа на врвот на Европа во извонредно одиграно финале комплетно надигрувајќи го турскиот тим предводен од Жељко Обрадовиќ.
Одлично кошаркарите на Реал Мадрид го почнаа мечот контролирајќи го резултатот, иако Турците во вториот период преку агресивна одбрана успеаја да заминат со предност на полувремето (38-40).
The steal from @rudy5fernandez leads to the Taylor SLAM!#7DAYSMagicMoment #F4GLORY pic.twitter.com/yS55Dn3Tf8
— EuroLeague (@EuroLeague) May 20, 2018
Сепак, клучан беше третата четвртина која комплетно им припадна на Шпанците. Ја добија со +10 поени, па во последниот период влегоа со солидна предност. Фенербахче на 24 секунди пред крајот, со тројката на Мухамед стигна на само три негатива (81-78), но тоа беше се што можеше да направи во обидот да го спречи Реал.
На тој начин Реал Мадрид стигна до десеттата своја европска титула, а притоа спречувајќи го големиот Жељко Обрадовиќ во својот Белград да дојде до „десеттката“.
oh WOW!
The huge slam by @nikola_kalina #7DAYSMagicMoment #F4GLORY pic.twitter.com/wjUhQjYeoi
— EuroLeague (@EuroLeague) May 20, 2018
Предводници во триумфот на Реал Мадрид беа Лука Дончиќ со 15 поени, четири асистенции и три скока, како и Фабиен со 17 поени и две асистенции. Томпкинс мечот го заврши со 10 постигнати поени. Во поразениот тим Николо Мели беше извонреден со 28 поени и 6 скока, но не успеа извонредната партија да ја преточи и во победа за својот Фенербахче.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
