Шпанскиот голман Пепе Реина обвинет е за поврзаност со мафијата. Реина пред челниците на Италијанската фудбалска федерација ќе мора да го објасни пријателството со луѓето од злогласната „Камора“.
„Реина имаше и продолжува да одржува непримерни врски и пријателство со Габриел Еспозито, Францеско Еспозито и Џузепе Еспозито. Тоа пријателство вклучува одење на одмор и размена на услуги“ – пишуваа во официјалното соопштение од Италијанската фудбалска федерација.
Шпанскиот голман, наводно на мафијашките браќа им обезбедувал влезници за натпреварите. Но, Реина не е единствениот што ќе мора да оди на сослушување. Покрај него тоа ќе мора да го сторат и Паоло Канаваро и Салваторе Ароника.
Поврзаноста со мафијата е една од причините зошто реина летово го напушта Наполи и заминува во Милан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
