Ливерпул заврши фантастична работа успевајќи да го комплетира трансферот на Фабињо од Монако, за сума од 50 милиони евра. Бразилскиот играч за врска минатото лето беше поврзуван со Манчестер јунајтед и со ПСЖ, Монако тогаш успеа да го задржи, но „кнезовите“ овојпат дадоа зелено светло за неговиот трансфер на „Енфилд роуд“.
„Искрено сум возбуден од овој трансфер, Ливерпул е светски фудбалси гигант, чест ми е што сум овде. Клуб од таков размер доаѓа и ме бара… не размислував премногу дали да ја прифатам понудата. Знам многу работи за историјата на Ливерпул, но доаѓам овде за да помогнам да се испише нова историја“ – изјави Фабињо по потписот на петгодишниот договор со „црвените“.
Тој е второто засилување на Ливерпул за наредната сезона, по Наби Кеита од Лајпциг. Во тек се и преговорите за Набил Фекир од Лион, а Јирген Клоп дефинитивно ќе донесе и нов голман по фијаското на Лорис Кариус во финалето од ЛШ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
