Турскиот фудбалски гигант Фенербахче има нов претседател. На клупските избори беше одлучено бизнисменот Али Коќ да раководи со големиот клуб во наредниот период. Со тоа е прекината доминацијата на Азиз Јилдирим, кој 20 години беше на чело на Фенербахче.
Али Коч е еден од најмоќните бизнисмени во Турција и предводник на компанијата „Беко“, која е еден од спонзорите на Барселона.
По овие претседателски избори во Фенербахче, се очекува во брз период да биде донесена одлука и околу иднината на младиот македонски фудбалер Елиф Елмас. За него се најавува можно заминување на позајмица, а во игра е турскиот клуб Анкарагучу.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
