Машката ракометна репрезентација на Македонија ја очекува бараж против Романија за пласман на Светското првенство, а селекторот Раул Гонзалес на првиот собир на националниот тим вели дека противникот не е нималку наивна селекција.
„Романија е квалитетна селекција, со одличен селектор. Големи се, високи, цврсти, силни, и знаат да играат ракомет. Но, јас сакам да видам во каква форма се нашите ракометари во моментот. Тоа е многу поважно. Утре ќе ни се приклучат и Миркуловски и Талески, и ќе имаме доволно време да се подготвиме. Ќе биде тешко, но верувам во квалитетите на оваа селекција“, изјави македонскиот селектор по првата прозивка во хотелот „Александар Палас“ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
