Италијанскиот калчолигаш Интер бара квалитетни засилувања за успешен настап во Лигата на шампионите следната сезона. „Нероаѕурите“ по подолг период повторно ќе бидат дел од елитното европско клупско натпреварување, а тренерот Лучијано Спалети сака да доведе фудбалери кои имаат искуство со настапите во ЛШ. Можеби делува изненадувачки, но во неговиот нотес се наоѓа и името на Дарио Срна.
Хрватскиот интернационалец паузираше поради користење на недозволени стимулативни средства, се предвидуваше и дека ќе ја заврши кариерата, но тој го издржа најлошото и сака да се врати на терените. Казната официјално истекува на 23.август.
За него постои интерес од Интер, а тој би дошол како слободен агент. На „Џузепе Меаца“ веќе настапуваат неговите сонародници Марсело Брозовиќ и Иван Перишиќ.
Срна има 36 години, но се уште може да игра на врвно ниво, а покрај Интер, тој има понуди и од Калјари, и од грчкиот ПАОК.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
