Најуспешниот британски атлетичар во скок во далечина, Грег Ритерфорд, реши да стави крај на атлетската кариера. Последниот настап тој ќе го има во август годинава, а потоа 31-годишниот Британец се префрла во друг спорт.
Ритерфорд објави дека планира да ги проба своите можности во велосипедизам и најавува забележителни постигнувања.
Главна причина за завршувањето на атлетската кариера се бројните повреди што го следат во последно време, а токму поради повредите и одлучил да стане велосипедист.
„Во периодот на рехабилитација поминав многу време на велосипедот за тренинг и покажав добри резултати. Ќе ми биде многу интересно да ја пробам силата во овој спорѕ. Како мал возев БМХ, потоа и велосипед на планина и тоа многу ми се допаѓаше“ – изјави Ритерфорд за интервју за британските медиуми.
Тој веќе има договор со Британската велосипедска федерација и до крајот на годинава планира да ги помине задолжителните тестови.
Ритерфорд стана олимписки шампион во скок во далечина на ОИ 2012 во Лондон, а на ОИ 2016 во Рио го освои бронзениот медал. Беше светски шампион во Пекинг во 2015 година и европски шампион на атлетското првенство во Цирих во 2014 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
