Александар Митровиќ играше извонредно во вториот дел од сезоната во дресот на Фулам, но одличниот голгетер слабо го стартуваше мундијалот. Тој промаши две стопроцентни шанси за Србија на дуелот против Костарика, но по мечот потенцираше дека колективот е над секој поединец во таборот на нашиот северен сосед.
„Не е важно кој ќе даде гол, еве јас не мора да постигнам ниту еден до крајот на мундијалот, само Србија нека победува. Играме одлично, тоа е најважно, стигавме до многу значајни три бода. Можевме да посстигнеме уште некој гол, но се заврши добро за нас. Мечот не беше нималку лесен, Костарика е незгодна репрезентација, но ние си ја завршивме работата. Сега имаме неколку дена да одмориме, а потоа на ред е дуелот со Швајцарија“ – изјави Митровиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
