Новиот голман на Милан, Пепе Реина се соочува со огромна суспензија поради врски со неаполската мафија.
Јавниот обвинител побара од Фудбалскиот сојуз на Италија долгорочна суспензија за Реина, како и Паоло Канаваро и Салваторе Ароника поради пријателските односи со познатата мафијашка организација „Камора“.
Како што пренесуваат италијанските медиуми, и тројцата се обвините за тесни врски со осудениот криминалец Габриел Еспозито како и со неговите браќа Франческо и Џузепе, двајца „сомнителни“ бизнисмени кои се постојано под истрага.
За шпанскиот голман, кој ова лето дресот на Наполи го замени со оној на Милан, побарана е тримесечна суспензија, па сосема веројатно би можел да го пропушти првиот дел од сезоната.
За поранешните фудбалери Канаваро и Ароника побарано е исклучување од било какви фудбалски активности во период од десет односно четири месеци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
