Поранешниот американски тенисер Џон Мекинро изјави дека е непредвидливо колку Новак Ѓоковиќ може да направи на годинашниот Вимблдон.
Српскиот тенисер имаше пауза поради повреда, а првото свое финале по речиси една година го имаше на АТП турнирот во Квинс каде загуби од Марин Чилиќ. Новак на тој турнир како и на Ролан Гарос покажа извесен напредок во однос на играта од претходно.
„Ситуацијата е непредвидлива. Тој е еден од најдобрите тенисери на сите времиња и има само 31 година. Но како да го загуби огнот, кој го нема повеќе во неговите очи. Ја нема таа жар и желба во него. Се надевам дека не изгаснала цела, па останало нешто за да го врати“ – вели Мекинро.
Вимблдон оваа година се игра од понеделник, од 2. до 15. јули, а титулата ја брани Роџер Федерер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
