Екипата на Глазгов ренџерс покажа дека се наоѓа во одлична форма во пресрет на двомечот со Шкупи во квалификациите за Лигата на Европа, откако шкотскиот гигант славеше со убедливи 6-0 против англискиот нисколигаш Бјури.
Ова беше премиерен натпревар на Стивен Џерард на стадионот „Ајброкс“, на чии трибини се појавија дури 41.000 фанови. Фудбалерите беа максимално мотивирани, одиграа извонредно и постигнаа дури шест гола, двоен стрелец беше Арфилд, а по еднаш мрежата на Бјури ја затресоа Марфи, Катиќ, Морелос и Раден.
Овој натпревар беше генерална проба за Џерард и неговите избраници пред првиот меч со Шкупи, што ќе се игра наредниот четврток во Глазгов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
