Капитенот на Шкупи, Суат Зендели смета дека македонскиот тим оштетен се враќа од Глазгов по првиот натпревар од 1. квалификациско коло за Лигата на Европа.
Шкупи загуби со 2-0 од Глазгов Ренџерс благодарение и на вториот погодок кој дојде од сомнителен пенал буквално во последните секунди од мечот…
„Ако и тука се применуваше ВАР системот сигурен сум дека судија и сам ќе се увереше дека немаше пенал. Мислам дека судијата погреши што на таков начин, во круцијален момент за еден меч, досуди пенал во последните секунди и тоа откако претходно и неколку секунди размислуваше дали да покаже или не на белата точка“ – рече по мечот Зендели.
Но, голманот на Шкупи нагласува дека како професионалци на реваншот во Скопје до крај ќе се борат за триумф против големиот фаворит…
„Како и да е, во Глазгов наидовме на една извонредна атмосфера и со нетрпение го чекаме и реваншот во Скопје каде пред нашите навивачи гостите се надевам ќе ги дочекаме во иста атмосфера. Без разлика на овој резултат, ние сме професионалци размислуваме позитивно и сигурно максимално ќе се надигруваме на реваншот да дојдеме до победа“ – вели Зендели.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
