Поранешниот тенисер број еден во светот, Енди Мареј, во солзи го дочека крајот на дуелот со Романецот Мариус Копил на турнирот во Вашингтон на кој славеше во исцрпувачки и долги три сета. Британецот во четвртфиналето треба да се сретне со Австралиецот Алекс де Минаур.
Мареј најави дека можеби нема да може да се појави во четвртфиналето.
„ Не знам како се очекува од играчите да го издржат ова. Моето тело е во лоша состојба во моментов. Да се завршуваат мечевите во три наутро не е добро за никого, ниту за тенисерите, ниту за навивачите, ниту пак за телевизиите“ – рече Мареј по победата.
За британскиот тенисер ова е само трет турнир по операцијата на колкот во јануари годинава. Мечот против Минаур ќе биде негово прво четвртфинале по Вимблдон 2017 година.
Енди Мареј во моментов е на 832. позиција на АТП листата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
