Италијанскиот првак Јувентус е под притисок од Реал Мадрид за босанскиот интернационалец Миралем Пјаниќ. Претседателот на „кралскиот клуб“, Флорентино Перез, не може да се помири со заминувањето на Кристијано Роналдо, а тоа може да повлече и лавина, па „Сантијаго Бернабеу“ да го напуштат и Лука Модриќ и Марсело. Но, и Реал Мадрид веднаш реагира и сака да го купи Миралем Пјаниќ.
Раководството на „старата дама“ се обидува да го задржи босанскиот играч за врска, иако ќе мора и да продава поради преголемите трошоци што ги има клубот. Јувентус на Пјаниќ му нуди нов договор и зголемување на платата на 6,5 милиони евра по сезона, а истовремено тоа би значело и дека нема да се откаже од неговите услуги без отштета од 100 милиони евра.
За Босанецот се заинтересирани и ПСЖ, Челси, Манчестер сити и Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
