Натпреварот од 3. коло во Првата македонска фудбалска лига на гостински терен против Победа, Работнички ќе го игра на стадионот „Тумбе кафе“ во Битола в недела (26. август) со почеток од 17 часот.
Поради реконструкцијата на стадионот „Гоце Делчев“ во Прилеп, Победа своите домашни натпревари ги игра најчесто во Битола. Така ќе биде и в недела против „романтичарите“.
Главен судија на натпреварот ќе биде Марјан Гоцевски од Струмица, а ќе му помагаат сограѓаните Ангеловски и Станковски. Четврти судија ќе биде Васко Мавров, исто така од Струмица, а делегат Гоце Цветановски од Демир Хисар.
Во недела ќе се играат и натпреварите Вардар – Македонија ЃП, Академија Пандев – Шкупи и Силекс Ренова. Поради настапот во квалификациите за Лига Европа, Шкендија ќе ја пречека Беласица во Тетово во понеделник (27. август).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
