Нескриен е револтот во таборот на Шкендија по крајот на натпревар во Трондхајм, од плеј-оф рундата за место во групите на Лигата на Европа, во кој македонскиот шампион загуби од Розенборг со 3-1.
Револт поради пропуштената можност да се стигне до далеку подобар резултат, а тоа Шкендија го заслужи согласно играта на „Леркендал“, но револт и поради недосудениот очигледен пенал за „црвено-црните“ во 88. минута.
На две минути пред крајот, Бесарт Ибраими се најде во убава шанса, прекрасно шутираше а топката пред голот на домашните удри во рака еден од домашните дефанзивци. Но, според главниот судија Орел Гринфилд од Исланд, немало причини за пенал. Сепак, видео снимките очигледно покажаа дека топката која одеше кон голот на Андре Хансен беше запрена со рака…
Shkëndija snytt for klar straffe på Lerkendal like før slutt. Ikke kom her å si at den armen er «inntil kroppen». Den peker utover og stopper ballen.
Det er soleklart straffespark. Her kunne Shkëndija redusert til 3-2! pic.twitter.com/ju9WSdwbWL
— Kim Underberg Rolund (@KimRolund) August 23, 2018
Во продолжението поради протестите за таквата судиска одлука жолт картон заработи и капитенот на Шкендија, Арменд Алими.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
