Кошаркарот на Оклахома сити, Расел Вестбрук, ќе мора да замине на артроскопска операција на десното колено и ќе паузира еден месец. Ова значи дека ќе ја пропушти претсезоната, но и самиот старт на сезоната во НБА – лигата.
„Расел Вестбрук заедно со лекарскиот тим на Оклахома сити одлучи да ја санира повредата на коленото со артроскопска операција која ќе ја изврши д-р. Нил Елатрач во клиниката во Лос Анџелес“, истакна Оклахома сити во клупско соопштение.
Седумкратниот олстар – играч минатата сезона имаше просек од 25.4 поени, 10.3 асистенции и 10.1 скокови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
