Левиот бек на РК Вардар, Сергеј Горбок, имаше успешна операција на коленото во Загреб, информираат од македонскиот ракометен првак. На почетокот на овој месецм Горбок на тренинг го повреди коленото, а потоа беше утврдено дека се работи за навистина сериозна повреда. Русинот ги скина предните вкрстени лигаменти и мораше да замине „под нож“.
Горбок од Загреб треба да се врати во Скопје, каде во следните неколку месеци ќе трае процесот на рехабилитација и доколку биде сѐ како што треба на крајот од оваа сезона тој би можел да настапува за „црвено-црните”.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
