Менаџерот на Евертон, Марко Силва, побара од раководството на Премиер – лигата сериозно да ја разгледа опцијата за воведување на ВАР – технологијата. Ова откако судијата Џон Мос и асистентот Хери Ленард не ја забележаа очигледната офсајд ситуација по која Пјер – Емерик Обамејанг го постигна вториот гол за Арсенал на вчерашниот меч на „Емирати“.
„ВАР сигурно ќе помогне многу. Мислам дека тоа е важна одлука која мора да биде спроведена. Можеби не е најдобро да се стопира натпреварот за да се прегледаат видео-материјалите, но мора да бидеме сигурни дека и двата тима нема да бидат оштетени во играта. Можеби веќе од следната сезона ќе имаме ВАР. Нема да ги критикувам судиите. Сите прават грешки, и јас, и моите фудбалери, и судиите. Но, со видео технологијата мислам дека ќе биде поинаку“, истакна Марко Силва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
