Како да се запре Лионел Меси, тоа е опсесијата на сите ривали на Барселона кои се обидуваат да дојдат до позитивен резултат против каталонскиот гигант. Маурицио Покетино со Тотенхем ќе го дочека каталонскиот гигант, но аргентинскиот ас има специјален совет за своите избраници кога станува збор за пресметката со Меси.
„Сигурно дека ќе се обидеме да најдеме некакво решение за Меси. Зборував со фудбалерите, им реков дека треба едноставно да уживаат кога ќе играат против него, бидејќи тој е еден од најдобрите во историјата на овој спорт. Не треба толку да се грижат, туку да уживаат што ќе имаат можност да играат против такви ривали. Им реков дека еден ден ќе можат да се фалат на внуците дека играле против Меси, Роналдо или некој таков играч, од највисок калибар“ – изјави Покетино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
