МЗТ Скопје по поразот во Словенија од Приморска утре се враќа на домашен терен во АБА2 лигата, пречекувајќи го црногорскиот претставник Ловќен (19 часот). Јасно е дека од македонскиот претставник се очекува триумф на овој дуел, а тренерот Ѓорѓи Кочов гласно ги повика навивачите да дојдат во што поголем број и да им дадат поддршка на неговите избраници.
„Станува збор за екипа која никако не смееме никако да ја потцениме. Очекувам од моите играчи влезат со максимален пристап во натпреварот и да продолжат да го даваат тоа што од нив се очекува. Исто така, помошта од публиката е секогаш од големо знашење за нашата екипа. Им ветуваме на сите наши фанови кои ќе дојдат да нѐ бодрат, дека дома нема да си заминат разочарани од нашата борбеност и залагање“, вели тренерот Ѓорѓи Кочов.
Црногорците со минимална победа над Рогашка (72-71) ја почнаа сезоната во АБА2, по што следеа два порази во низа и тоа од Сутјеска (71-81) на гости и Спарс (68-74) на домашен терен. Билетите за утрешниот меч против Ловќен се пуштени во продажба по цена од 50 денари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
