Вејн Руни игра во МЛС – лигата на САД, но секогаш е повикан да коментира за Манчестер јунајтед и за Премиер – лигата. Во едно интервју за телевизијата „NBCSN“, тој го урна митот дека Јунајтед предводен од Алекс Фергусон освојуваше титули зошто беше офанзивно ориентиран тим.
„Луѓето зборуваат дека Манчестер јунајтед во времето на Алекс Фергусон освојуваше трофеи, зошто тимот размислуваше само за напад, напад и напад. Но, не беше така. Имавме балансиран тим, подготвен за секаков предизвик на секој дел од теренот. Посебно успешни бевме на стартот од второто полувреме, откако ќе добиевме дополнителна мотивација на одморот од сер Алекс“, изјави Вејн Руни.
Тој и Кристијано Роналдо, заедно со Рајан Гигс, беа страв и трепет за противничките одбрани претходната деценија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
