Англискиот премиерлигаш Лестер ќе го направи бесмртен својот сопственик Вишаи Шривадханапрабха, кој загина во хеликоптерска несреќа веднаш откако гледаше натпревар на тимот. Раководството на клубот кое сега го предводи неговиот син, ќе подигне негова биста пред стадионот „Кинг Пауер“.
„Ние никогаш нема да можеме да му се оддолжиме за сето она што го направи за Лестер. Отсега ќе бидеме максимално посветени на тоа неговото име и дело засекогаш да останат запаметени“, изјави неговиот син, и сега прв човек на Лестер, Ајават.
Лестер денеска ќе го игра првиот меч на домашен терен по страшната трагедија пречекувајќи го Барнли. Во пресрет на натпреварот ќе биде одржана комеморација, а ќе бидат присутни и поранешните менаџери, Клаудио Раниери, Најџел Пирсон и Крег Шекспир, кои ќе дојдат уште еднаш да му оддадат почит на загинатиот претседател.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
