Борусија Менхенгладбах продолжува со одлични игри во Бундес-лигата оваа сезона. Со триумфот на гости против Вердер (1-3), фудбалерите на овој тим се искачија на второто место на табелата, со само еден бод заостанување зад лидерот Борусија Дортмунд, а три повеќе од Баерн Минхен, во пресрет на вечерашното дерби меѓу овие големи ривали.
Аласане Плеа беше херој во триумфот на Борусија Менхенгладбах. Тој постигна хет – трик, а единствениот погодок за Вердер беше дело на Нури Шахин.
Победи остварија и двете последнопласирани екипи, Фортуна Диселдорф и Штутгарт.
Резултати Германија: Фортуна Диселдорф – Херта 4-1, Фрајбург – Мајнц 1-3, Хофенхајм – Аугсбург 2-1, Нирнберг – Штутгарт 0-2, Вердер – Борусија Менхенгладбах 1-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
