Раководството на Евролигата не покажа милост кон Димитрис Јанакопулос, драстично казнувајќи го газдата на Панатинаикос за своите лудории за време на грчкото дерби со Олимпијакос.
Јанакопулос е казнет со 30.000 евра поради обвинувањата кон судиите дека биле купени од големиот ривал, но уште подраматично е активирањето на двете условни казни од ланската сезона. Така, претседателот на ПАО ќе плати уште 160.000 евра за ативирање на казната од 9 април, како и дополнителни 250.000 евра за казната од 20 април, за нарушување на имиџот на кошаркарскиот спорт и загрозување на односите меѓу клубовите.
Интересно, условната казна за забрана на Јанакопулос за следење на натпреварите од Евролигата се уште не е активирана, па тој ќе може да продолжи да го бодри ПАО од трибините, без оглед на големиот ризик од нови инциденти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
