Селекторот на кошаркарската репрезентација, Јорданчо Давитков, го објави списокот на кошаркари на чии услуги ќе смета за претстојниот квалификациски натпревар против Косово, што ќе се игра на 2 декември во Гевгелија. На списокот на Давитков се враќа Марко Симоновски, кој својот камбек во репрезентативниот дрес ќе го има на овој натпревар, на кој триумф ќе значи и уште поголем чекор напред кон пласман во главните квалификации за Евробаскет 2021.
Во составот на Македонија ќе го нема Ричард Хендрикс, кој доби зелено светло да отсуствува поради семејни причини, а во негово отсуство шанса ќе добие вториот Американец, Шејн Витингтон.
Сениорите ќе одржат краток собир в Скопје (28. ноември, 20:00, СЦЈС), а потоа ќе заминат за Гевгелија каде ќе продолжат со активности до одигрување на натпреварот.
СПИСОК НА ПОВИКАНИ КОШАРКАРИ:
Војдан Стојановски, Дамјан Стојановски, Александар Костоски, Дарко Соколов, Адем Мекиќ, Бобан Стајиќ, Андреј Магдевски, Димитар Караџовски, Марко Симоновски, Стојан Ѓуроски, Бојан Трајковски, Љубомир Младеновски, Бојан Крстевски, Андреј Маслинко, Шејн Витингтон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
