Напаѓачот на Пари Сен Жермен, Килијан Мбапе, се здоби со сериозна повреда на рамото на пријателскиот натпревар меѓу Франција и Уругвај. Голманот на уругвајската селекција, Мартин Кампана, непријатно падна врз Мбапе, при што страдаше неговото десно рамо. Тој веднаш побара замена, со оглед дека не можеше да го продолжи мечот.
На негово место во игра влезе Флоријан Товин.
Ова е уште една „среќна вест“ за Ливерпул, со оглед дека и Нејмар заработи повреда при настапот за Бразил на пријателскиот меч против Камерун.
Ливерпул и ПСЖ ќе ги одмерат силите во Лигата на шампионите за осум дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
