Сантијаго Солари доби перманентен договор на клупата на Реал Мадрид до 2021 година, а по репрезентативната пауза денеска ќе се обиде да го продолжи стопроцентниот ефект откако го предводи „кралскиот клуб“. Реал Мадрид му гостува на Еибар, а тренерот на домашниот тим, Хозе Луис Мендилибар, вели дека „магијата“ не е во Солари.
„Реал Мадрид е голем тим, со неверојатно квалитетни фудбалери. Тие влегоа во победнички ритам, но не сметам дека Солари е човекот што ги препороди. Едноставно не беше нормално да загубат толку многу натпревари. Мислам дека и Хулен Лопетеги е исклучително квалитетен стратег и дека и со него Реал ќе победуваше“, изјави тренерот на Еибар.
Реал Мадрид се врати во трката за шампионската титула и заостанува четири бода во однос на лидерот Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА