Под мотото „Трчај, забавувај се и уживај во убавините на Охрид“, Атлетскиот викенд Охрид трчаТ ја започна кампањата за третото издание кое ќе се одржи на 2 јуни следната година.
Пријавувањето за учество за следното трето издание на најголемата и најмасовната спортска манифестација ќе започне во среда (19. декември), а организаторите најавуваат многу новитите, но задржување на забавата, музиката, дружењето и трчањето што го краси Охрид трчаТ.
„Организациски стартувавме со кампања за третото издание на Охрид трчаТ, а со пријавување ќе започнеме од следната среда. Работиме напорно да го задржиме квалитетот и да внесеме што повеќе новитeти со кои ќе го кренеме настанот едно или две нивоа погоре“ – изјавија од Охрид трчаТ.
Понудата останува иста односно вљубениците во трчањето можат да учествуваат на 5 и 10 километри или тим билдинг трката која се трча на 5 километри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
