Месут Озил често е критикуван поради недоволното залагање во одбраната, но кога станува збор за нападот, тука нема дилеми деа Германецот е фудбалски генијалец кој ја игра оваа игра на поинаков начин од „обичните смртници“.
Доказ за тоа е денешниот дуел меѓу Арсенал и Барнли, на кој Озил по подолга пауза доби шанса во стартниот тим и веднаш покажа зошто е гениј. „Топчиите“ организираа долга акција по десната страна, по што топката на работ на шеснаесетникот стигна до Озил. Тој си го зголеми аголот и дојде во ситуација во која сите би шутирале, но Геманецот во тоа е поинаков од другите – упати додавање кон вториот дирек до Колашинац.
Босанскиот интернационалец одлично ја врати топката во поле, Обамејанг рутински ја смести во мрежата, но најзаслужен за овој гол дефинитивно е Месут Озил.
OUTRAGEOUS PASS FROM OZIL ??? #Arsenal #ARSBUR pic.twitter.com/ZrMzqOmt09
— Futbol Replays (@Futbol_Replays) December 22, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
