Манчестер сити го истури бесот на Ротерам во ФА купот на Англија совладувајќи го со убедливи 7-0. Стерлинг ја отвори серијата голови, младиот Фоден зголеми на 2-0, а пред самиот крај на првиот дел Ајаји си постигна автогол за водство од 3-0 за „граѓаните“.
Во второто полувреме, канонадата ја продолжија Хабриел Хесус, Марез, Отаменди и Лирој Сане за „седумка“ во мрежата на Ротерам.
Езгјан Алиоски и Лидс јунајтед ги завршија настапите во ФА купот. Тимот на македонскиот репрезентативец загуби со 2-1 на гостувањето кај Квинс Парк Ренџерс. Оте и Бидвел му донесоа триумф на домашниот состав, а Халме беше стрелец за Лидс.
Олдам со пресврт го елиминира Фулам од ова натпреварување, славејќи со 1-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
