Македонската репрезентација до 16 години од 13. до 19. јануари ќе учествува на меѓународниот турнир “Mercedes Benz Aegen Cup” во Кушадаси, Турција. Нашата селекција предводена од селекторот Горан Станковски е во група со Шпанија, Русија и Албанија.
Првиот натпревар го играме на 14. јануари против Шпанија, на 15. јануари ќе се спротивставиме на Русија, а последниот натпревар од групата го играме против Албанија на 17. јануари.
„Силен турнир и одлична можност за нас да се обидеме да се спротивставиме на силни селекции. Секогаш е вистински предизвик да се надигруваме против репрезентации од рангот на Шпанија и Русија. Исто така, за нас ова е можност подобро да се запознаеме со фудбалерите и нивните квалитети имајќи в предвид дека ова е нова генерација со која работиме, а која во октомври ќе настапи на квалификациски турнир за репрезентации до 17 години. Се надевам дека ќе извлечеме многу позитивни работи од силниот турнир во Кушадаси“ – изјави селекторот Горан Станковски.
Селекторот Горан Станковски за силниот турнир во Турција ќе смета на следните фудбалери:
Лука Стојковски (Вардар), Филип Ваневски (Њу Старс), Христијан Николовски (Македонија Ѓ.П.), Љаврдим Ибрахими (Работнички), Андреј Стојчевски (Вардар), Самет Реџепи (Шкупи), Филип Ѓоргоски (Вардар), Грегори Давков (Вардар), Лука Ѓорѓиевски (Војводина, Србија), Салих Муслиоски (Алтах, Австрија), Петар Давидовски (Вардар), Христијан Георгиевски (Работнички), Октај Ракипи (Шкендија), Рамиз Беровиќ (Работнички), Емир Саитоски (Домжале, Словенија), Муртезан Незири (Њу Старс), Албан Таипи (Ренова), Дарко Марковски (Работнички), Бехар Фета (Њу Старс), Филип Трпчевски (Хакен, Шведска).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
