Македонската ракометна репрезентација го игра можеби најдоброто полувреме на Мундијалот 2019 во Германија, рамноправно парирајќи на европскиот шампион Шпанија кој има предност по првите 30 минути од 12-13 во 4. коло од Групата Б.
Раул Гонзалес изненадувачки со голманот Никола Митревски го почна мечот и тоа се покажа како полн погодок. Токму Митревски, заедно со капитенот Лазаров, со 11 одбрани е најзаслужниот за нашата рамноправност со „црвената фурија“.
Одлично почнавме стигнувајќи до предност од 6-3 во првите 12 минути. Потоа Шпанците заиграа поагресивно во одбраната и успеаја и да дојдат до пресврт со прво водство од 7-8 во 20. минута. До крајот во феноменална игра гол за гол се стигнавме до 12-12, но во последната секунда Шпанците стигнаа постигнаа гол за предност од 12-13 на полувремето.
Македонската селекција има извонредна поддршка и од „Фалангата“ која е осми играч за составот на Раул Гонзалес во Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
