Македонскиот фудбалски репрезентативец Иван Тричковски игра во одлична форма во кипарскиот шампионат. Тој постигна хет – трик за АЕК Ларнака на денешниот меч против Докса на гости (0-5). Акоран го отвори резултатот на овој натпревар, а потоа на сцена стапи Тричковски.
Македонецот стрелаше во 22., 39. и во 77.минута, а серијата голови ја затвори Начо Касес во самиот финиш од дуелот. Тричковски со новите три гола стигна до вкупно 36 во дресот на АЕК Ларнака и стана најдобар стрелец-странец во историјата на клубот. Цел натпревар за АЕК Ларнака одигра и Даниел Мојсов.
АЕК Ларнака по 17 одиграни кола се наоѓа на четвртата позиција на табелата во првенството на Кипар со 28 бода, дури 13 помалку од лидерот АПОЕЛ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА