Бразилскиот интернационалец Роберто Фирмино го пропушти последниот тренинг на Ливерпул во пресрет на утрешниот прв осминафинален натпревар од Лигата на шампионите против Баерн Минхен. Тој поради вирус остана в кревет и тотално е неизвесен неговиот настап на дуелот со германскиот првак.
Отсутен беше и дефанзивецот Ловрен, кој речиси сигурно ќе го пропушти утрешниот меч.
Менаџерот Јирген Клоп сигурно ќе ги нема на располагање и Џо Гомез и Алекс Окслејд – Чемберлен поради повреди, како и Вирџил ван Дајк, поради жолти картони.
И Баерн Минхен има проблеми со повредите. Нико Ковач нема да може да смета на Џером Боатенг, Томас Милер и на Корентин Толисо, а под прашање е настапот на Кингсли Коман и на Арјен Робен.
Натпреварот меѓу Ливерпул и Баерн Минхен ќе се одигра утревечер, со почеток во 21 часот, на „Енфилд Роуд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА